«Өркен» бөбекжайы»КМҚК
Тәрбиеші: Жанабергенова Айнур Жумагуловна
Білім беру саласы: Танымдық және коммуникативтік дағдыларды дамыту.
Ұйымдастырылған іс-әрекеттің тақырыбы: «Менің Отаным – Қазақстан!»
Мерекелік іс-шара: Республика күніне арналған ашық ҰІӘ.
Топ: Кіші топ «Құлыншақ»
Өткізілетін күні: 23 қазан.
Уақыты: 09:30.
Тәрбиеші: Жанабергенова А.Ж.
Мақсаты:
Балаларға Қазақстан Республикасы туралы қарапайым түсінік беру. Өз Отанына деген сүйіспеншілік сезімін ояту. Қазақстан Республикасының мемлекеттік туымен таныстыру, көк түсті туды тануға үйрету. Балаларды достыққа, бірлікке тәрбиелеу.
Міндеттері:
Білімділік: Қазақстан Республикасының атауын үйрету, мемлекеттік ту туралы қарапайым түсінік қалыптастыру.
Дамытушылық: Балалардың сөздік қорын молайту, есте сақтау, тыңдау және қайталау қабілеттерін дамыту.
Тәрбиелік: Отанды сүюге, туған жерді құрметтеуге тәрбиелеу.
Қажетті көрнекіліктер:
Қазақстан Республикасының мемлекеттік туы, Қазақстанның суреттері, көк түсті жалаушалар, әуен, күннің суреті.
Әдіс-тәсілдер:
Көрсету, түсіндіру, сұрақ-жауап, ойын, қимыл-қозғалыс.
Ұйымдастырылған іс-әрекеттің барысы
- Ұйымдастыру кезеңі
Тәрбиеші:
– Сәлеметсіңдер ме, балалар! Қайырлы таң, қонақтар!
Бүгін біздің бөбекжайымызда ерекше күн. Біз еліміздің мерекесі – Республика күніне арналған іс-шара өткіземіз.
Балалар, бәріміз шаттық шеңберіне тұрайық!
Шаттық шеңбері:
Арайлап таң атты,
Алтын сәуле таратты.
Қайырлы таң, туған жер!
Қайырлы таң, достарым!
- Кіріспе бөлім
Тәрбиеші:
– Балалар, біз қай елде тұрамыз?
– Біздің Отанымыз қалай аталады?
Балаларға көмектесіп, хормен қайталату:
– Қазақстан!
– Жарайсыңдар, балалар! Біздің Отанымыз – Қазақстан. Қазақстан – біздің туған еліміз.
– Балалар, бүгін біз Республика күнін атап өтеміз. Бұл – еліміз үшін маңызды мереке.
III. Негізгі бөлім
- Қазақстан Республикасының мемлекеттік туымен таныстыру
Тәрбиеші балаларға Қазақстанның мемлекеттік туын көрсетеді.
– Балалар, мынау не?
– Бұл – Қазақстан Республикасының мемлекеттік туы.
– Туымыздың түсі қандай?
Балалардың жауабы: Көк.
Тәрбиеші:
– Дұрыс айтасыңдар! Біздің туымыз көгілдір түсті. Тудың ортасында күн мен қыран құс бейнеленген. Шетінде ұлттық ою-өрнек бар.
– Кәне, балалар, бәріміз бірге қайталайықшы: «Қазақстан!», «Ту!», «Көк түс!».
- Дидактикалық ойын: «Туды тап!»
Мақсаты: Балалардың мемлекеттік туды тануына көмектесу, көк түсті ажырата білуге үйрету.
Ойын барысы:
Тәрбиеші балаларға бірнеше түрлі түсті сурет көрсетеді. Балалар арасынан Қазақстанның көк туын табады.
Тәрбиеші:
–Балалар, Қазақстанның туын кім табады?
– Жарайсыңдар! Бұл – біздің көк туымыз!
- 3. Сергіту сәті «Көк туым»
Көк туымды ұстаймын,
Биікке оны созамын.
Оңға қарай тербелтіп,
Солға қарай тербелтіп,
Елімді мен сүйемін,
Бақытты өмір сүремін!
Балалар тәрбиешінің қимылдарын қайталайды.
- Шығармашылық ойын: «Туымызды желбіретейік!»
Тәрбиеші балаларға көк түсті жалаушаларды таратады.
Балалар әуен ырғағымен жалаушаларын жоғары көтеріп, оңға және солға тербетеді.
Тәрбиеші:
– Балалар, жалаушаларымыз қандай әдемі!
– Көк туымыз әрдайым биікте желбіресін!
- Қорытынды бөлім
Тәрбиеші балаларға сұрақтар қояды:
– Біздің Отанымыз қалай аталады?
– Қазақстанның туы қандай түсті?
– Бүгін қандай мереке туралы әңгімелестік?
Балалардың жауаптары мадақталады.
Тәрбиешінің қорытынды сөзі:
– Жарайсыңдар, балалар! Біздің Отанымыз – Қазақстан. Біз өз елімізді жақсы көреміз. Еліміз тыныш, халқымыз аман болсын! Көк туымыз биікте желбірей берсін!
- Мадақтау
Тәрбиеші балаларды мадақтайды:
– Жарайсыңдар, балақайлар! Бүгін бәрің де белсенді қатыстыңдар. Еліміздің кішкентай патриоттары бола беріңдер!
Күтілетін нәтиже:
Біледі: Қазақстанның өз Отаны екенін, мемлекеттік тудың бар екенін біледі.
Түсінеді: Қазақстанның мемлекеттік туының көк түсті екенін түсінеді.
Меңгереді: Мемлекеттік туды тануды, «Қазақстан», «ту», «көк» сөздерін айтуды және жалаушамен қарапайым қимылдар жасауды меңгереді
https://orken-ulytau.1-bilim.kz/kz/news-kz/137-meni-otanym-aza-stan-kishi-top-lynsha.html#sigProId80fcdf9a36
