«Құлыншақ» тобында күз мезгілінің әсемдігін сезіндіру, балалардың табиғатқа деген сүйіспеншілігін арттыру мақсатында «Армысың, Алтын күз!» атты мерекелік іс-шара ұйымдастырылып өткізілді.

Мереке барысында бүлдіршіндер қызықты ойындарға белсене қатысты. «Қоянды тамақтандыр» ойынында қоянға сәбіз беріп, «Маймылды тамақтандыр» ойынында маймылға банан беріп, көтеріңкі көңіл күй сыйлады.

Мерекелік іс-шара балаларға қуаныш сыйлап, ерекше әсер қалдырды. Бүлдіршіндер күздің кереметін сезініп, ойын арқылы танымдарын кеңейтті.Алтын күздің әр күні қуаныш пен шаттыққа толы болсын!